Մեծ Բրիտանիայի հակաահաբեկչական ոստիկանությունը այսօր ձերբակալել է ութ տղամարդու, որոնցից յոթը Իրանի քաղաքացիներ են։ Այս պահին ոստիկանությունը մանրամասներ չի հայտնում քննության վերաբերյալ, հայտնի է միայն, որ վերջիններս կասկածվում են ահաբեկչություն կազմակերպելու, հարձակում նախապատրաստելու համար։
Լոնդոնում Իրանի դեսպանատունը դեռևս չի արձագանքել։
Անցած տարի ՄԲ ներքին հետախուզության ղեկավար Քեն Մաքքալումը հայտարարել էր, որ 2022 թվականից ի վեր բրիտանացի հետախույզները Թեհրանի հովանավորությամբ կազմակերպվող 20 դավադրություն են կանխել, որոնք կարող էին մահացու սպառնալիք ներկայացնել Մեծ Բրիտանիայի քաղաքացիների և բնակիչների համար։